កំណាព្យពាក្យ "ងាយ"

ងាយមើលងាយស្ដី             ងាយចិត្តបេតី          ងាយស្ម័គ្រស្រលាញ់

ងាយយំងាយសើច             ងាយចុះងាយចាញ់   ងាយក្នក់ងាយក្នាញ់

                                      ងាយព្រាត់ប្រះឆា។

ងាយខ្លាចងាយភ័យ           ជាតិប្រពន្ធប្ដី           ដោយជឿវាចា

ងាយភ្លេចកសម្សត់             ងាយក្បត់ស្នេហា     ងាយដកចិន្ដា

                                      ព្រោះលង់វង្វេង។

ងាយនិកឈឺចិត្ត                ព្រោះស្នេហ៍មិនស្និទ្ធ នែបនិត្យស្រីក្មេង

ងាយផឹកស្រវឹង                 ងាយសើចសង្វេង    ងាយលង់លលេង

                                      ងាយភ្លេចសន្យា។